Web edukia bistaratu Web edukia bistaratu

Haur eta Nerabe guztiek dituzte eskubideak  

Azaroak 20, Haurren eta Nerabeen Nazioarteko eguna denez, harekin bat egin nahi dugu eta, Nazio Batuek onartutako Haurren eta Nerabeen Eskubideei buruzko Hitzarmenak (HEH) dioen moduan, adierazi eta agerian jarri nahi dugu eskubideak dituzten pertsonak direla. 

 

Gipuzkoako haurrentzako eta nerabeentzako zerbitzuen sarea osatzen dugunok, zinez uste dugu haurrek eta nerabeek aisialdirako, jolaserako eta ekintza kulturaletan eta artistikoetan parte hartzeko eskubidea dutela, eta hori bermatzeko lan egiten dugu.  Baina badituzte oinarrizkoagoak diren beste eskubide batzuk ere; eta egun berezi honetan, gogora ekarri eta beraientzat aldarrikatzen ditugu:             

  • Diskriminaziorik eza: haur eta nerabe guztiek eskubide berdinak dituzte.
  • Haurren eta nerabeen interes gorena: haurrengan eta nerabeengan eragina izan dezakeen edozein erabakik, legek edo politikak kontuan izan behar du beraientzat onena zer den.
  • Bizitzeko, biziraupenerako eta garapenerako eskubidea dute: haur eta nerabe guztiek eskubidea dute bizitzeko eta garapen egokia izateko.
  • Parte hartzea: adingabekoek eskubidea dute beraiengan eragina izan dezakeen edozein gairen inguruan kontsultatuak izateko eta beraien iritziak kontuan hartuak izateko.

HEH onartu zenetik igarotako urte hauetan guztietan lorpenak handiak izan arren, adingabeen eskubideak betetzeari dagokionez, oraindik erronka asko eta handiak ditugu guztiok; badugu zeregina.

Hona hemen Hitzarmenak bere artikuluetan biltzen dituen eskubide guztiak. 

Gaztematika

GAZTEMATIKA. Haurren eta Nerabeen Eskubideei buruzko Hitzarmena

Unicef

UNICEF. Haurren eta Nerabeen eskubideen inguruko hitzarmena

Ipuinak

IPUINAK. Haurren eskubideei inguruko jolas eta ipuinak