Web edukia bistaratu Web edukia bistaratu

Informazio orokorra

 

neska udalekuetan

  • Udalekuak elkarrekin bizitzeko eta baloreak ikasteko tokiak dira; beraz, elkarbizitzako eta lankidetzako arau batzuk dituzte. Parte-hartzaileren batek arau horiek behin eta berriz betetzen ez baditu, etxera bidali ahal izango da. Etxerako itzulia guraso edo tutoreen kargura izango da.
  •  Parte-hartzaileek izena ematean osatzen dituzten taldeak errespetatzen ahaleginduko gara beti. 7-11 urteko umeak sexu bereizketarik egin gabe banatuko dira logeletan. Aldiz, 12 eta 13 urteko umeak sexuaren arabera bereizita banatuko dira, baldin eta instalazioak horretarako aukera ematen badu.
  • Udalekuaren dinamika ez eteteko, ez da bisitarik onartuko. Nolanahi ere, beharrezkoak diren bitartekoak jarriko dira, umeak, horrela nahi badute, beraien guraso edo tutoreekin komunikatu ahal izateko, bai gutun edo telefono bitartez, instalazio bakoitzak dituen baliabideen arabera.
  • Antolatzaileen ustez, komenigarria da neska-mutilek sakelako telefonorik, musika-irakurgailurik (mp3, mp4...), argazki-kamerarik edo beste edozein aparatu elektroniko ez eramatea, egonaldian sor daitezkeen eragozpenak saihesteko. Gomendioari kasu egin ez eta eramaten badute, jardueraren garapenak berak mugatuko du telefono mugikorraren, tabletaren eta antzeko gailuenerabilera. Erabilera desegokia eginez gero, jabeei kendu ahal izango zaizkie.
  • Gipuzkoako Foru Aldundiak ez du erantzukizunik hartuko halakoak galtzen edo lapurtzen badira edo kalterik jasaten badute, parte hartzaileei jardueraren garapenerako ekartzeko eskatzen direnean edota antolatzaileak espresuki bere zaintza hartzen duenean izan ezik. Erakundeak berdin egingo du parte hartzaileek jarduerara eramaten dituzten objektu baliotsu edo diruari dagokienez.
  • Plaza eskuratu eta kuota ordaindu ondoren, ez da aipatutako zenbatekoa itzuliko, baldin eta ondo frogatutako arrazoirik badago eta Gazteria Zerbitzuak ezarriko duen irizpidearen arabera, betiere gorabehera hori behar besteko aurrerapenez jakinarazten bada. Eskolan emaitza txarrak lortzea ez da dirua itzultzeko arrazoia.
  • Haurrek arropa guztia beren izen-deiturekin edo horien inizialekin markatuta eraman beharko dute. Kuotak gastu guztiak barne hartzen dituenez, erakundeak aholkatzen du parte hartuko dutenek dirurik ez eramatea, eta guraso edo tutoreei irizpide ona izan dezatela eskatzen diete.
  • Gazteria Zerbitzuak ahalmena du programa honetako alderdi batzuk aldatzeko eta horien ordez antzeko ezaugarriak dituzten beste batzuk jartzeko.