Web edukia bistaratu Web edukia bistaratu

Berriak

Eduki publikatzailea Eduki publikatzailea

Atzealdea

Aldundiak DenokZu sentsibilizazio-kanpaina landu du 9-12 urte bitarteko Gipuzkoako 2.000 ikaslerekin

Emakumeen aurkako indarkeriari aurre egiteko Aldundiak “DenokZu” sentsibilizazio-kanpaina jarri zuen martxan iaz, Aurre! planaren barruan. Gipuzkoako udalekin, elkarteekin eta beste hainbat eragileekin plana landu ondoren, lurraldeko 45 ikastetxetako haurrekin Tratu Onak eta Enpatia landu ditu.

2017·11·28


Gipuzkoako hainbat eskolatan egin diren saio hauetan, haurren partaidetza sustatuz, Tratu Onak eta Enpatia jorratu dira. Tratu onak landu dira, ez bakarrik besteekiko, baita norberaren buruarekiko ere bai, haurren egunerokotasunean ezagunak egiten zaizkien adibideak erabiliz: jolasetan, etxean, eskolan, eta abar.

Saioetan ikasleen bizipenak entzun eta partekatu dira, beti ere genero ikuspegia kontuan hartuta. Enpatiari dagokionez, zer den eta zergatik den garrantzitsua adierazteaz gain, hori lortzeko tresnak eta baliabideak eskaini zaizkie. Indarkeria matxistaren jatorria eta motak ere landu dira lurraldeko haurrekin, informazioa eman eta honi aurre egiteko baliabideak ere eskaini zaizkie.

Argazkia iturria: gipuzkoa.eus

Haur eta gazteekin genero-berdintasuna lantzeak bere baitan dakar indarkeriaren prebentzioa. Gipuzkoako Foru Aldundiak lehentasunezko helburutzat du Gipuzkoa ezberdintasunik gabeko lurraldea izatea, berdintasunaren alorrean bereziki. Xede horri erantzuteko plan aurrerakoi eta berritzaile ezberdinak jarri dira martxan, Aurre! Foru Plana esaterako. Egitasmo honek, biktimei arreta eskaintzeaz gain, prestakuntza, ikerketa, prebentzioa eta sentsibilizazioa ere kontuan hartzen ditu.

 

ITURRIA: gipuzkoa.eus berria osoa ikusi